دوبارہ سفر گجرات
حضرت گلبرگہ شریف سے دوبارہ گجرات تشریف لے گئے،اور وہاں قصبہ ”دمرق“ میں ایک پُر فضا مقام پر قیام فرمایا۔ اہل قصبہ سے ایک شخص نے حضرت کی شان میں گستاخی کی اور کچھ نازیبا بات کہی، آپ نے فرمایا جس جگہ ایسے لوگ ہوں وہاں آگ کیوں نہیں لگا کرتی؟ چنانچہ قصبہ میں کئی بار آ گ لگی اورکئی بار قصبہ جلا، مجبور ہوکر لوگوں نے پتھر کے گھر بنائے۔ آپ وہاں سے ایک اورقصبہ میں تشریف لے گئے جہاں ہر سال سیلاب سے کھیتی خراب ہو جاتی تھی، اتفاق سے اس سال زیادہ باڑھ آگئی تھی، مسلمانوں کی ایک جماعت نے حضرت سے سیلاب کی شکایت کی، آپ نے ایک کاغذ لیا اور اس پر لکھا کہ اے پانی! تم کو اللہ کے بندے اشرف سمنانی کی طرف سے معلوم ہو کہ تیرا سیلاب خدا کی طرف سے ہے، تو جو تیری حد اللہ کے حکم کے مطابق ہے، وہ میں مقررکرتا ہوں تو اس سے آگے نہ بڑھنا، خادم نے وہ پرچا لے جاکر پانی میں ڈال دیا۔پانی بس اسی جگہ ساکن ہوگیا اور اس سے آگے نہ بڑھا۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972